Tiäđuh pargoadeleijei

Jis pággupeerrâmviälgulâš uážžu päälhi tâi eres puáđu, tego iäláttuv tâi pargottesvuotâhiäđu, te tom puáhtá pággupeerrâđ. Tagarijn tiilijn pargoadeleijei tâi puáđu mäksei vuolgâttuvvoo máksukiäldu. Máksukiäldust merideh, ete maht kalga toimâđ, ko pargee pälkki lii págguperrum.

Ko päälhimäksee lii finnim máksukiäldu, te kalga pargei mäksimnáál päälhist tolliđ máksukiäldu miäldásâš mere máksupoojijn já tilittiđ tom págguperâmân.

Jis máksukiäldu finnejeijee ij nuávdit suu finnim máksukiäldu, te máksukiäldu finnejeijest puáhtá pággupeerrâđ mere, mii lii tiilithánnáá págguperâmân. Máksukiäldun lohtâseijee koččâmušâin finnee lasetiäđu págguperâmist.

Máksukiäldu finnejeijee ohtâvuotâtiäđuh

Pággupeerrâm kalga tiettiđ máksukiäldu finnejeijee ohtâvuotâtiäđuid (tiättunadelemčujottâs). Tiättunadelemčujottâssân puáhtá almottiđ postâčujottâs sajan šleđgâpostâčujottâs. Almottâs puáhtá toohâđ Pággupeerrâmlájádâs šleđgâpoostân ulosotto.uo(at)oikeus.fi.

Jis pargoadeleijee päälhirekinistem lii olgoštittum, te pargoadeleijee puáhtá almottiđ págguperâmân päälhirekinistemornijdume ohtâvuotâtiäđuid, kuus pargoadeleijei čujottum máksukiälduh vuolgâttuvvojeh.

Tiäđuh pargoadeleijei -siijđoh suomâkielân láá tääbbin.