Teâđ tuâjjuʹvddja

Jõs åålǥasmetteemveälǥlaž vuäǯǯ pääʹlǩ leʹbe jeeʹres puåtti, mâʹte jeältõõǥǥ leʹbe reâuǥteʹmesvuõttouddõõzz, tõn vueiʹtet åålǥasmetteed. Täin vuõʹjjin tuâjjuʹvddja leʹbe puåtti maʹhssja vuõltteet mäʹhssemǩiõlddi. Mäʹhssemǩiõlddjest mieʹrreet, mäʹhtt âlgg mõõntõõllâd, ko tuâjjla päʹlǩǩ lij åålǥasmettuum.

Ko päʹlǩǩmaʹhssi lij vuäǯǯam mäʹhssemǩiõlddi, âlgg pääʹlǩest, koon määuʹset tuâjjliʹžže, väʹldded mäʹhssemǩiõlddi meâldlaž meäʹr mäʹhssempõõʹji da tiillted tõn åålǥasmettummša.

Jõs mäʹhssemǩiõlddi vuäǯǯai ij jääʹǩǩet vuäǯǯmes mäʹhssemǩiõlddi, mäʹhssemǩiõlddi vuäǯǯjest vueiʹtet åålǥasmetteed meäʹr, kååʹtt lij tiillteǩani åålǥasmettummša. Mäʹhssemǩiõlddja kuulli kõõččmõõžžin vuäǯǯ lââʹssteâđaid åålǥasmettummšest.

Mäʹhssemǩiõlddi vuäǯǯai õhttvuõtt-teâđ

Åålǥasmettummuž teâđast âʹlǧǧe leeʹd mäʹhssemǩiõlddi vuäǯǯai õhttvuõtt-teâđ (teâttanuʹvddemaddrõs). Teâttanuʹvddemaddrõssân vuäitt iʹlmmted pååʹštaddrõõzz sâjja neʹttpååʹštaddrõõzz. Iʹlmmtõõzz vuäitt tuejjeed Åålǥasmetteemstroiʹttel neʹttpååšta ulosotto.uo(at)oikeus.fi.

Jõs tuâjjuʹvddi päʹlǩǩlaʹsǩǩummuš lij ålggõttum, tuâjjuʹvddi vuäitt iʹlmmted åålǥasmettummša päʹlǩǩlaʹsǩǩeemorganisaatio õhttvuõtt-teâđaid, koozz tuâjjuʹvddja čuäʹjtum mäʹhssemǩiõlddjid vuõltteet.

Teâđ tuâjjuʹvddja -seeid käunnʼje lääddas tääiʹben.